هذه القصيده كتبتها امراءه كبيره في السن بعد ماأودعها ولدها في دار المسنين ولم يأتي لزيارتها كتبت هذه القصيده بعد ثلاث سنوات وهي في دار المسنين........
يامسندي قلبي على الدوم يطريك.........ماغبت عن عيني وطيفك سمايه
هذي ثلاث سنين والعين تبكيك............ماشفت زولك زايرن ياضنايه
تذكر حياتي يوم أشيلك وأداريك............والااعبك دايم وتمشي ورايه
ترقد على صوتي وحضني يدفيك.........ماغيرك أحدن ساكنن في حشايه
واليامرضت أ سهر بقربك وأداويك ........ماذوق طعم النوم صبح ومسايه
ياماعطيتك من حناني وابي اعطيك...........تكبر وتكبر بل أمل يامنايه
لكن خساره بعتني اليوم وأشريك.........وأخلصت للزوجه وأنا لي شقايه
انا أدري أنها قاسيه ماتخليك..............قالت عجوزك ما أبيها معايه
خليتني وسط المصحه وانا أرجيك.....هاذا جزه المعروف وهاذا جزايه
ياليتيني خدامتن بين أياديك..........مشان أشوفك كل يوم برضايه
مشكور يوليدي وتشكر مساعيك.......وأدعيلك الله دايمن بل هدايه
حمدان ياحمدان أمك توصيك........أخاف ماتلحق تشوف الوصايه
اوصيت دكتور المصحه بيعطيك.......رسالتي وأحروفها من بكايه
ان مت لاتبخل عليه من دعاويك........وأطلبلي الغفران وهاذا رجايه
اوأمطر تراب القبر بدموع عينيك.........ماعاد ينفعك الندم والنعايه