قصيدة محمد بن ذيب في سجون امن الدولة القطري

قصيدتي ..... يا طريميخ
ثارت معانيها شظية شظية
بعد قصفنا راجمات الصواريخ
قامت تلاعبنا على المدفعية
شكيت في نفسك يا شيخ المصاليخ
ردي ، وشكاتك بناسك ردية
بكره يثور الشعب ويشيد ويشيخ
وتعرف قدرك في عيون الرعية
اما بيسمح لك تسافر ميونيخ
والا بيدعس فوق راسك شوية..............................
..............................
طال الصبر والصبر ان طال يبيخ
والكاولي تضحك له الكاولية
والله لو كثروا عيال الطبابيخ
انسابهم ماهي علينا خفية
وان كان فيهم شيخ بِنظَرِّط الشيخ
الين يظرط من ظراطه خويه
الرزق عند الله وايامنا طيخ
ونفوسنا من فضل ربي غنية
لو انها بمطاولات الشماريخ
والسيف ابو حدين والحضرمية
كم ليلن اسود يا وسيع التخاتيخ
.......... من كل قومن سبيه
تجمعوا صبيان يام مفاصيخ
واستوردوا على حياض المنية
نكوي وننضج كل كيه لو السيخ
يوم احتمى رضواك من كل كيه
من ضعف شخصيتك لطخت تلطيخ
سمعتك وانا دون حلقي يديه
واهل قطر ماهم دجاج مفاريخ
وأهل قطر نوادرن صيرمية
السجن دون الفكر والراي تأريخ
ان الجزيره كذبتن عالمية
ندعم بني غازي ونسعى لترضيخ
اهل البلد وحنا على الاولوية
لين انكروا وقفة بلدنا بتوبيخ
من شلقم اللي كان في الخارجية
يا سوريا لو في شوارعك تفخيخ
يا ليتني واحد من اللاذقية
اقلها .. في ذروة الطاخ والطيخ
هناك حرية ما توجد هنيهومدام ابو مشعل حفيد المطانيخ
حيٍ فانا نفسي من العز حية
وان مات حملت الجمال المناويخ
ومن الحسا قصيت لي تابعيةاحفظ ما نكتب كل ليله يا تاريخ
لاخير في شاعر ماعنده قضية
الذيب يعوي في الشواهيق والذيخ
ينبح ورى جدرانه المخملية
العدل راعيه لوانه مهوب شيخ
يشيخ في عيون الرجال الابية
والظلم راعيه لو انه ولد شيخ.................................
ا
الجدير بالذكر بأن الشاعر الشعبي بن ذيب وهو سعودي الجنسية حصله على الجنسية القطرية في عام 1997 سجن منذ مايقارب الخمس اشهر بعد قصيدة يشتم بها حكام وامراء قطر ...وهنا نجد في اخر الابيات غزل خفيف لابو مشعل امير قطر لاخراجه من السجن
نتمنى الحرية للشاعر القطري محمد بن ذيب...............طبعا نعتذر عن الاخطاء الاملائية هي مقصودة بحكم اللهجة الشعبية وبعض المفردات ماعرفت معناها كتبتها كما هي..........وسلامتكم

شجاع يبن الذيب الله يفك اسرك من سجون هالكاوليه
وشكراً ايلول عالنقل