ماحدث في الاجتماع المشترك لتشكيل الحكومة

السلام عليكم
وصلني اميل من احد الاخوه وكانه على لسان حال الساسه العراقيين
عند حضورهم اجتماع مشترك لتشكيل الحكومه اقرأ ماذا حدث
ونسالكم الدعاء]

بعد السلامات والله بالخيرات

مندوب المجلس: اخوان منو يريد يبدي بالكلام ؟

مندوب الدعوه: احنه الكتله الاكبر واحنه نبدي

مندوبة العراقيه: وين اكبر لازم الاخ مايعرف يقره ويكتب

الكتله الكورديه: يواش خلي نفتهم

مندوب الصدريين: المالكي خط احمر

الدعوه: ليش تنبص يجي دورك واحجي

الصدري: شنو معناة تنبص جنهه شتومه

المجلس: لا يمعود يقصد لا تقاطع

الصدري: اقاطع شوكت ما اريد والميعجبه يطخ راسه بالحايط

العراقيه: اووووي هاي شنو خلي اقره مجله احسن

الجعفري: اخوان مو وكتهه المواطن يطالب بالاحتكام للمضامين والسياقات المشموله بالفقرات المنضويه تحت البناء الفسيفسائي بعد التشرب بروح الاستزاده من القيمه الاخلاقيه لغازات الامعاء!!

واحد يشاور البصفّه: هذا شبي ماكل شي واكف على گلبه

البصفّه: يمعود تعال تحمل هيج خريط يوغف عل الگلب

الكورديه: منو يكدر يترجملي شكال الجعفري وانطيه كركوك

عادل زويه: اني عندي مسأله مهمه. ياجماعه تره الدنيه موت حر بره بلكي تنصون التبريد شويه تره نروح ننشل من نطلع بره

واحد ماخذ غفوه وفز: ما صار العشه لو السيد راح يعلسه علينه

الصدري: المالكي خط احمر. وكلا كلا امريكا لأن اكو عملاء تغثهم هاي الهتافات

الدعوه: ألمن تقصد ولك ابو الفرارات صرت تامر وتنهه سبحان الخلاك تلبس بنطرون

الصدري: على اساس انته جنت دختور, كلك خلك رادود

العراقيه: لا عيني هذا يقصدني اني. بس ما راح ارد عليه وهوه لابس الدشداشه وحاطهه بالبنطرون على اساس قميص

المجلس: تالي شلون اتفقوا على مصيبه نسويه رئيس وزراء مو دخنه

العراقيه: علاوي علاوي علاوي ونسويهه ظلمه اذا ماصار

الصدري: المالكي خط احمر

الدعوه: لو ما ماخذ حباية ضغط چان چفصت بمصارينه

الجعفري: الموضوع يحتاج الى استذكار لحالة الصيروره عند استلهام روحي الخماش

واحد مغثوث: يابه ما تسكت .....

عادل زويه*: هذا المي بارد كلش بلاعيمي تروح تلتهب جيبولي چاي بس مو مال الحصه اعرفه للسيد لازم يخمس وياخذ من الحافي نعال.

السيد: سووله نعال اقصد چاي

المندوب الايراني: خلي يشوف الشعب الايراني ويبوس ايده وجه وگفه على احمدي نجاد

المندوب الامريكي: اشتعل ابو ابوك بوش على هل ورطه.
* زويه :اي عادل عبد المهدي(نسبه لبنك زويه المتهم فيه).

» السيرة الذاتية لتشكيلة الحكومة المحلية الجديدة في ذي قار
» اسماء الشخصيات التي ستشكل الحكومة المحلية في محافظة ذي قار
» ارجو من كل الاعضاء المشاركه ,من هو الأفضل لرئاسة الحكومة المقبلة؟
» الصدر يدعو لاستمرار المقاومة ويدعم الحكومة الجديدة
» السيد الحكيم : نحن شركاء في النجاحات أو الاخفاقات التي تصدر من الحكومة