اشراف الشيعة

عرايا عباد ربّك عالفضائيات ** وحملن بالسجون وجابن البُكّر

ولاهزك ضميرك. انت من يا دين؟ ** مو حتى اليهودي لو شافنه استنكر!

وفزع للنجف سني وانت ما حسيت ** بعد لا تقول شيعي ايش جابك لحيدر

عصى بابك عليك وما فتحته تخاف ** شن خيلك علي جا بيتكم خيبر

كلش ايّست من غيرتك فد نوب ** وغسلت ايديَّ منك بتنعش تنكر*

الا من ناصر لو مو يصيح حسين ** لو ربك يصيح تقلله ما اقدر

لو نفسه الحسين يدق عليك الباب ** ويطب للبيت ومن ايدك يجرك جر

ما تطلع تحارب رحمه للعباس ** داكرمنه بسكوتك عاد وتكتر

احنه بمقبره وترشق علينه النار ** وهذا يموت بينا وذاك يتبتر

وانت بلا ضمير تبث علينه اخبار ** جيش المهدي نصه يكبسل ويسكر

بس جيش انبياء تريده كله يصير ** بشر ما ينظمن- اظمنلي جيش اقدر

خليك بمكاني منين اجيب الناس ** اذا جيش الرسول وبيه بشر تسكر

اذا مو زين غيرك انت صير الزين ** وروح اوقف مكانه وخله يتكتر

جا ترضه اليكبسل ينتفض للدين ** وانت العود مؤمن نايم وتشخر

بعنه هدومنه وبيهن شرينه سلاح ** زادن كم فلس نشريلكم مندر؟

لو ترضى نتحارب وانا وانت اخوان ** ويهودي ويا المسيحي تحالفوا عالشر

صير وياي اقلك لا وراي تموت ** لان بس انذبح امريكا الك تفتر

مو كلّك اريدك انت ظل مرتاح ** بس صوتك اريده شبيك ما تقدر

واذا حاقد علي قطعني من يرحون ** وانه انطيك كفي وظهري والخنجر

بس قدامهم لا تهد عليه بسيف ** استحي قبال اليهودي بسيفك اتطبر