هذا الموت

السلام عليكم شلونكم يا شباب
اليوم جايبلكم من اجمل قصائد شاعرنا الكبير
عريان السيد خلف

هذا الموت
جسر للا نهاية عليه كلنة انفوت
هذا الموت
هاجس يبتدينة بلحظة التكوين
ويرافكنة العمر من غير ضجة وصوت
على جف المناية مشرهدين انام
ونلهث على الدنية ونبني بيهة ابيوت
ونتعافة ونذم بالخلك هذا وذاك
وعلى غفلة وزرك جدامنة التابوت

حاضر واربعينك بعد ما حلت
وروحك يل عزيز بروحنة انشدت
يل حاضر عزاك اتعزي المعزين
واتسكت الناعي العبرتة احتدت
ياعصر الفواتح يا زمان الموت
كافي من الذبح مو ناس ما ضلت
ضاكت كاعنة من اكبور فوك اكبور
فوك اكبور اهلنة اكبورنة اتعلت
كل يوم بهبية وكل صباح بويد
مثل سف الحصير الزلم تتسلت
*****************************

على غفلة وزرك جدامنا التابوت
اكتفي بالقول _ الله يعينا بهذا اليوم_
شكرا لك ذو الفقار

الله يخفف علينا سكرات الموت
وفعلا الموت يرافقنا العمر كله بلا ضجه وصوت
قصيده جميله خاصه في زمن الموت المجاني والجماعي
يعطيك العافيه ذو الفقار

قصيدة جميلة أخ ذو الفقار ودائما أنت متميز بنقل الشعر والقصائد
وهذا دليل على ذوقك بالشعر الشعبي
وفعلا أصبحنا بعصر الفواتح الجماعية
شكرا