صدّك يلـ ( أحبك ) مآتجي ويآك

بعد كلمة احبك ما تجي ويـــآك
شأگلك وآنه روحي تعلگت بيك

وبعـد صدگ ولا اجيبك على البال
بوسط الـبـــال اجيبنك واخليك

ولا اصيحك بعد بـــأسمك يمحبوب
بعد ( بيك انه هايم ) راح اسميك

واذا مو يمي تبقى الروح ويآك
أذن شيصير لو باٌلروح اخليك

وانت بعيد أحسك بيه مــوجود
واذا مو يمي يم الروح أحس بيك

بنص الروح احسك وانتَ ماكو
أذن شيصير لو يمي آنه ادنيك

كلشي ولا اشوفك مني زعــلان
واذا زعلت مني بدمعي اراضيك

أنتَ وياي شجرة ورافكَت ماي
وانطتك عمرها شرايد انطيـك

بطلت البواچــي عله اليروحون
وعليك دموعـي تنزل من أحاچيك

عليك تعودت صرت انه وياك
وذا وياك كَلي شلون امـر بيك

صدّگ يلـ ( أحبك ) مآتجي ويآك
وأذا أكَلك أحبك مــــا تـكفيك ؛.

الشاعر زياد البصراوي

كلشي ولا اشوفك مني زعــلان
واذا زعلت مني بدمعي اراضيك

شي جميل مثلك اخي دموع
شكرا على القصيده الي اجت بوكتها بل نسبه الي

نقل جميل من دموع......... وصورة اجمل
مشاركاتك خفيفة تماما كأسمك
شكرا اختي العزيزة

أنتَ وياي شجرة ورافكَت ماي
وانطتك عمرها شرايد انطيـك

الله جميله جدا احسنتي دموع على القصيده الجميله
وصف جميل
ذوالفقار اجت بوكتها الله يكون بعونك شكلك عاشق الله يساعدك معلم

قصيده جميله ...شووووووكرن دموع الورد على المشاركه الرقيقه
لا عدمنا اختياركي الجميل

» أحبك......