هذي قصيد لعريان السيد خلف
يقول كان نازل من الكوستر <سرفيس>
ولاشاف مرأه مبين عليها بنت عز ماده ايدها وتقول ارحموني ولو رحمه مره وعندي نثايه والوكت زحمه
فألف قصيده اول بيت للمرأه والباقي اله
ارحموني ولو رحمه مره وعندي نثايه والوكت زحمه
جنت نجمه با لسما العاليه على الروس وانثلمت سمانا وطاحت النجمه
جان اليل واهس والسمير يطول وعيون الزلم جمرات ملتمه
وجان البت مدول والدلال تفوح والبن من يفوح التاه يندله
وبكوسر البيت الزك مرجيات لو صفكن بعتبه يزيلن العله
حتى كلابنه لو نبح كلب الجار يهزن ذيولهن على الرجل متعلمه