جنت وياج سجه وريل ومحاط العشك يشهد
جنت وياج سبحه ويد ماتقبل رخاوه وشد
وجنت وياج جلمه وسر دفنته وما كلت لاحد
ايا راهب بكنيسة مريم العذراء ما مروو على المعبد
ويا حادي بضعنى شلون ساموها وسعرها شكد
وشابج عششرتي والطم على الباكه تفرهد
بعد ساعه ويشيل شراع يبحر بالحلك والخد
ويكض سكان المهيله ويراويج الجزر والمد
يمعزوزة نظر عيني بغيابج ععشك بعد ازود
خسرت المعركه وياهم ولو ما مات الستشهد
لذالك ما بجيت ولا لبست اسود
وداعا والوداع يريد جفين ودمع ينهد
اكظي الليل بالاحزان وشد من ليلة الوحشه
كصه وياي العطش هينوب والعود حترك هرشه
يهون الغركة عيونه ودمعته معلكه برمشه
انا الذبحو عروس صباه بيديهم على الفرشه
خطيه لا تكص جنحه دخله يعيش بالرعشه
مصيره يعشر البومه وطيور مدوره الحره
اي رياض اي امظفرك سكران اي بليل رف الظوه والريل مر بالسده
ترى ريح العشك فاحت تكلي شجاب وشوده