منتدى البدور
ياضيفنا لو زرتنا لوجدتنا نحن الضيوف وانت رب المنزل
نرحب بتسجيلك معنا

منتدى البدور


 
الرئيسيةمكتبة الصورس .و .جبحـثالأعضاءالتسجيلدخول
المواضيع الأخيرة
» وكالة الصحافة المستقلة
الجمعة أكتوبر 31, 2014 12:46 pm من طرف وكالة

» بث مباشر كورة اون لاين
الخميس مايو 01, 2014 8:25 am من طرف وكالة

» وكالة كنوز ميديا
الخميس مايو 01, 2014 8:23 am من طرف وكالة

» اليعقوبي ابن الماسونية يحرم الشعائر الحسينية
الخميس ديسمبر 20, 2012 6:16 am من طرف مهران الحيدري

» أقوال رائعه بالانجليزى
السبت نوفمبر 17, 2012 8:48 am من طرف albadry

» مقالة في صحيفه سعوديه عن مخالفات عمر بن الخطاب للرسول ص
السبت نوفمبر 17, 2012 8:45 am من طرف albadry

» افتتاح قناة البدور
الجمعة نوفمبر 16, 2012 8:45 pm من طرف albadry

»  العراق يؤكد عدم نيته العفو عن أي مدان بـالإرهاب أو محكوم بـالإعدام ولو كان"سعـودياً"
السبت أكتوبر 13, 2012 3:50 pm من طرف الناصري

» مقتل طارق ابن رجاء الناصر سكرتير هيئة التنسيق السوريه المعارضه
الأربعاء سبتمبر 19, 2012 11:55 am من طرف الناصري

» غالاوي : تهديد ال سعود بسحب ايداعاتهم من الغرب كاف لتحرير فلسطين
الإثنين سبتمبر 17, 2012 4:32 pm من طرف الناصري


شاطر | 
 

 مجموعه صغيره من الدارميات

اذهب الى الأسفل 
كاتب الموضوعرسالة
ذوالفقار
مشرف
مشرف
avatar

ذكر
المشاركات : 999
العمر : 27
الدولة : سكاكة الجوف
تاريخ التسجيل : 10/02/2009

مُساهمةموضوع: مجموعه صغيره من الدارميات   الجمعة فبراير 13, 2009 10:47 am

دارميات
ما تنسمع رحّاي بس آيدي أدير
أطحن بكايه الروح موش أطحن اشعير
*****
أطحن واكضي الليل عن المأ ريده
بالكذله أصبح شيب من مدة ايده
*****
موش أطحن شعيرات أطحن بهمك
أكعد ودور الروح تلكاهه يمك
*****
ما تنسمع رحّاي بس بجيّ مسموع
جاتلني والله هواي ما منه مرجوع
*****
متحزمه وانكل شوك (للفود)أدفيه
بغشيش ألك يالموت؟من عندي دخفيه
*****
ضيجة خلك بالبيت رجلي آنه اشوفه
صاحت علىّ الناس جن أرد اعوفه
*****
الودر..؟ جاني ينام والشمس عدله
والله بجلب مجلوب لوصح أبدله
*****
وين اليفك مظلوم وين الله وينه
يتركرك عله جلاي هذا الحضينه
*****
أتكلي أمي اخذيه اكرع وشايب
أتلمس بعلباه مامش كصايب
*****
زفوني نص الليل للبرد حيله...؟
حبني وترسني اتفال من وره الشيله
*****
الحجي بس وياي ناكص بالعيار
كلهن يكسرن جوز وآنه أكسر حجار
*****
كل الشيوب التموت شيبه يتجدد
رآيه وسبع خرفان يومن تمدد
*****
كالولي رجلج مات موتة جلبنه...؟
النخل بيه جريد والصاري عدنه..؟؟؟
*****
أيكلي همي العشه خلينه نشبع نوم
الما تريده النفس جالشركه بالزردوم
*****
يا فلان اجاك وليد حظك غلبني
اوصل لباب الدار يبجي ويردني
*****
يا نغل ولد(أعفين )بالشط من ارميك
لوجنت أبن هواي بالعين أخليك
*****
أرجه اليموت يعود روحي أمهبوله
طبكت عليه الكاع ما بعد أنوله
*****
كلجن يمظلومات للكاظم امشن
ويم سيد السادات فكن حزنجن
*****
شايله فرخ(لكعيم ) مالج يابطني
ربطة شفج بعذار ربي ربطني..؟
*****
آخذله دمع العين وأصعد للأزرك...؟؟؟
لو ينعل الشيطان لو يجسم ! الحك
*****
جيبولي جدر النيل خل اصبغ الثوب
تو أيس الدلال منهم فرد نوب
*****
مثل الجدع ممدود مطلوني يمه..؟
كلما يجي ويروح بيدي أغمه
*****
ريت العمامه أحدار كش ول يامومن..؟؟؟
من كونه موش هواي لكبع وكومن
*****
وينج ووين الرجل بعدج زغيرونه
عيونج فشك مستحه للحرب يريدونه...؟؟؟
*****
خطار أهلنه منين هاشم يديه
بس لا تكوليش لا خطاب اليه
*****
مو كلشي نتمناه يوكع بدينه
أحنه السفن والريح تلعب علينه.؟
*****
آي والعرش واللوح والبلعته الحوت
نارك بلب أحشاي تلتهب للموت
*****
والحجر وأهل البيت والحج والحرام
كل ساعه من فركاك(يشكر )بالف عام
*****
غصبن عله الروح جابتني اشوفك
جثر الهه بالصدعات بلجن تعوفك
*****
مهضومه جيت أنخاك كلهم ولوني
لالي ولي بهل دار أهلي نسوني
*****
وشبعد وشخليت تنغط يالغراب
تنذجر ماتنشاف خليت الاحباب .؟
*****
كالولي منهو ذاك كلتلهم هواي
شنهو العلامه البيه.؟رف كلبي وجلاي
*****
ما نمت ربع الليل نشدوا ألمخده
وآنه حلمت بهواي خدي عله خده
*****
أحزن حزن معدان وارجي العصابه
ويه أم رجل وفروخ عوجه الطلابه
*****
يا مجوره وين تردين زينه نزلنه
كل أحنه نمشي وياج ونعوف أهلنه
*****
اليون تالي الليل لا بد عله اسباب
لو دهر موجر بيه لو ذاجر أحباب
*****
ظل ابجي طول الليل ابدن ما أهزك
لو جنت ابن هواي جان اشمعزك
*****
أتنخه بالنسوان خيه أبجن أبجن
نوبه عله ولفي الراح نوبه عله هلجن.؟
*****
شيخصهه بيه الناس رجلي أرد أجويه
يركض وره اليمشون صاير طبع بيه
*****
ربي انتجلت عليه ...جوزني حايج
يتعاركن رجليه مثل الشرايج
*****
شو دمش عني غاد ول ول يبو أركب
ليهّ ما يخلقك زين من كون ألك رب...؟؟؟
*****
يا من تبدل وياي رجلي برجلهه.؟
ونعادل أبميزان والزايد الهه
*****
لو تون لو ترتاح لو تلزم الباب
جنك جدع ممدود ما بين الاحباب
*****
أرد اللعب بدنايّ ما طالت ايدي
الفكر والشبعان خامه أبمجيدي
*****
عود أبعدت واسلاك غمك لهالراي
تعرضلي وكت الزاد وبشربة الماي
*****
حبله وأهز كاروك سبعه لي اللعبون
ما جوز آنا! من هواي كلكم تشهدون
*****
من زار رجلي وجاي أنسلت خيطه...؟؟؟
خليني وي اهواي أخذلي ميطه ..؟؟؟
*****
العتب موش عليك عتبي عله لعكال
شوماكلت من أول شوط مابيه تطوال..؟؟؟
*****
والبيدي والبلكاع وعله امتوني
ماجوز انا من هواي لو كطعوني
*****
عمتك زينه وياك عمتي اشعمه
حته الهوه من هواي ما ترضه اشمه
*****
همي وهم هواي وهم الله فوكه...؟؟؟
تفتر عليه الناس جن عندي بوكه
*****
هواي أريد هواي هواي أريده
ما كوم آنا مناه ألا أيدي بيده
*****
ظل أبجي ما خليك ترضع حليبي
أنت وابوك تروح فدوه الحبيبي...؟؟؟
........
الرجوع الى أعلى الصفحة اذهب الى الأسفل
موضي علف
بدري جديد
avatar

انثى
المشاركات : 30
العمر : 98
تاريخ التسجيل : 09/02/2009

مُساهمةموضوع: رد: مجموعه صغيره من الدارميات   الجمعة فبراير 13, 2009 4:38 pm

دارميات حلوه واغلبها تقولها المره الى تكره زوجها
يعطيك العافيه
الرجوع الى أعلى الصفحة اذهب الى الأسفل
 
مجموعه صغيره من الدارميات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى البدور :: اقسام الشعر والروايات :: منتدى الشعر الشعبي-
انتقل الى: