همسات عراقية..

يا قمر..(شعر شعبي عراقي)
بهيده على بختك يا كمر .. مساهر واريد اشكيلك

انه غريب ابدنيتي .. مضيّع وادور ابليلك

عن ربعة اهلي ، ودلّة الديوان ، ومواويلك

عن ضحكة البربين لعيون الدلو

عن رقصة الصفصاف والماي الحلو

عن صحبتي، وخلاني , وعيون النهر

بهيده على بختك يا كمر

************
يا غربتي
...

غربة عصافير التودع اعشوشها... برفّة جنح

ويا دمعتي

دمعة الكاع التبكي موت اهروشها... بجيت الملح

يا دار اهلنا الطاهره ... مر العمر

عيون اليحب امساهره ...ومامش خبر

بهيده على بختك يا كمر

***
وك يا كمرنه مروتك ... حنّي الشواطي بدمعتي

كلهم كبرت اعله الصبر...والونّه صارت غنوتي

مشتاق ابوسن دجله... واشرب مايها

واعزف ترانيم المحبّه بنايها

دجله الهوى ، والسوق ، والحب ، والسهر

بهيده على بختك يا كمر

شعر : خالد العامري

شكرا للاخت العفاف للمشاركة بهذه القصيدة

قصائد جميله
والجميل انو شخص سوري يقرى شعر شعبي عراقي!!!!!!!!
هذا دليل على الثقافه والاطلاع الواسع
شكرا اختي العفاف وبارك الله في جهودك
789575

شكرالمروركم ضاحك

شووووكرن للاخت العفاف على الهمسات
والشعر الشعبي جميل ومعبر ولو انه يحتوى على كلمات
لا يستخدمها كل الناس
تنقل للشعر الشعبي

بسم الله الرحمن الرحيم
تحيه طيبه وبعد..
مرحبااا العفاف ....صراحه القصيده وايد حلوه انا الاحلى ادري معلوم بس الشخص الي كاتب القصيده احلى مني اكيد المهم ردااا على الاخ يقول الاحلى انه انك سوري وتقرين عراقي لا مشتبه عراقيه ومن اصول عراقيه صح ماعلينه شكرااا على القصيده ............عذرااا لسوء التعبير بس هذا الي عندي شسوي
والسلام ختام

ماعاتب بعد منو يسوى مني اعتاب
وين وين الكه الحليم اليفهم اعتابي
حتى الجار الاعمى الجنت اكودن بيه يتهمس لكيته ويحفر ابابي
هديه للعفاف

وكذالك
نشدت الناس عنك وانت ماكو
علي الهم يصاحب مثله ماكو
اريد اسمع اعلومك شكو ماكو...(من زمان ماكو عن المنتدى)
وانا الممنون من تسال عليه...

سلام الله
يقلبي شكثر يحمل بعد يملك
وتعدى والصبر بالعقل يملك
ابنادم لو ملك قارون يملك
بلا اخلاق ما ينشرب مايه
شداوي ...لا اختنا العفاف سوريه ومن اصل سوري ومن محافظه حمص بعد!!!!!!
ولا تعلف في ما لا تعرف
همسات عراقية.. 251284

» موقع اغاني عراقية قديمة وجديدة اكثر من رائع